Dos ruman envolvi den atentado na Bruselas

BRUSELAS - Dos ruman tabata envolvi den e atentado terorista diamars mainta na Brusela. E homber  Khalid El Bakraoui (27) a 'rementa' su mes na e stacion di metro Maalbeek, mientras cu su ruman Ibrahim a haci mescos, pero na aeropeurto di Bruselas. Esey Ministerio Publico Belgo a confirma diaranson mainta. Noticianan cu e di tres persona na aeropuerto a wordo captura, a keda desmenti tambe. "Ainda e ta fugitivo". Ta trata di Najim Laachraoui. 

E ATENTADO

Tabata diamars mainta ora cu un cantidad di hende a fayece of a keda seriamente herida den atakenan terorista na e aeropuerto internacional di Bruselas y un stacion di metro den e ciudad. Dos explosion den e area di yegada di aeropuerto Zaventem a laga 11 morto mientras cu un explosion un ora mas laat na e station di metro Maelbeek a laga por lo menos 15 morto y 55 herido. E atakenan ta bin 4 dia despues cu autoridad di Belgica a detene e fugitivo principal di e atake terorista di Paris na november 2015, Salah Abdeslam. Prome minister Belgo Charoes Michel a yama e atakenan 'violento y cobarde'.