P3A Conference a trata tema di sostenibilidad riba prome dia

ORANJESTAD – E prome dia di Conferencia P3A (Public Private Partnership (PPP) Conference Aruba) bou co-auspicio di Nacionnan Uni (NU) y Reino a trece un total di 20 orador den sessionnan durante mainta y atardi. P3a Conference, 'From Ideas to Reality', a inicia cu discurso di Prome Minister Mike Eman, repasando e trabou di Aruba riba tereno di sostenibilidad.

PROME PARTI 

Den e prome parti di programa, despues di e discurso di Prome Minister Eman, a sigui un presentacion interesante di Sub-secretario General di Nacionnan Uni, Gyan Chandra Acharya, sigui pa discursonan di representante permanente di Hulanda na Nacionnan Uni Karel Oosterom, Jagdish Koonjul (Embahador Permanente di Mauritius na Nacionnan Uni); Richard Blewitt (UN Resident Coordinator) y dr. Glenn Thode (Rector di Universidad di Aruba).

 MERDIA

Den oranan di merdia a trata un tema interesante pa e audiencia local, cu ta energia renobabel, un tema cu Aruba tin basta experiencia den dje. E prome orador pa hiba palabra tabata Franklin Hoevertsz Managing Director di Utilities Aruba NV. Atardi Hoevertsz a wordo compaña pa oradornan Michele Greca (Ascot); Hector Mendoza (North Latam Phillips Lighting Solutions); Jennifer DeCesaro (IRENA); Ibrahim Nashid (Islanan Maldiva); Nathalie de Vos (TNO Caribe); Thomas Siebenbrunner (Swimsol) y Paul Makumbe (Subergise). E conferencia ta continua proximo dianan.