TjinAsjoe: ATA no ta envolvi den scoge compania pa produci banner

ORANJESTAD - Pa cosnan simpel manera bannernan rond di caminda of ‘flyers’ of avisonan na radio of den corant, of produccion di T-shirts / yaberonan etc., A.T.A. no ta envolvi den scoge e compania cu ta produci of instala esakinan, esaki ta prerogativo di e organisacion encarga cu dicho sponsor of evento. Esaki ta pa contra aresta e hecho cu ATA lo ta envolvi den tur esaki tambe, segun criticanan recien ricibi. " A.T.A. no ta envolvi den detayenan asina" .

SPONSOR MESTER CUMPLI CU REKISITO

Partidonan cu cual tin un acuerdo di sponsor of pa organisacion di un evento mester cumpli cu tur rekisito, cual ta wordo evalua debidamente. Ta importante pa menciona cu diferente eventonan ta haci uzo di banners of otro material pa asina promove y stimula e participacion di bishitantenan cu ta na Aruba na momento di e evento. Y alabes esaki tambe ta contribui pa crea un entusiasmo entre e localnan pa cu e evento.