Buskeda pa terorista di atentado di Bruselas

BRUSELAS - Autoridad Belgo a emiti un boletin oficial diamars atardi relaciona cu e atentado na Bruselas. Den e boletin, polis y husticia ta pidi ayudo pa identifica un persona riba e potret emiti. E ta wordo sospecha di ta envolucra den e atentado di diamars mainta. E otro dosnan riba e potret lo a suicida nan mes cu bom. 

E ATENTADO

Tabata diamars mainta tempran ora cu a bira conoci cu hopi hende a sea fayece of a keda seriamente herida den atakenan terorista na e aeropuerto internacional di Bruselas y un stacion di metro den e ciudad. Dos explosion den e area di yegada di aeropuerto Zaventem a laga 11 morto mientras cu un explosion un ora mas laat na e station di metro Maelbeek a laga por lo menos 15 morto y 55 herido. E atakenan ta bin 4 dia despues cu autoridad di Belgica a detene e fugitivo principal di e atake terorista di Paris na november 2015, Salah Abdeslam. Prome minister Belgo Charoes Michel a yama e atakenan 'violento y cobarde'.