Trahadonan di Manrique Capriles a bay den accion

ORANJESTAD - Un total di 22 trahado di Manrique Capriles awe mainta a bay den accion di 2 ora pa protesta e hecho cu e negosacionan di CAO no ta bayendo manera mester ta. Segun e shopsteward Carlos Lopez a splica NoticiaCla.com, for di december e CAO a vence y ta negoshando pero no por sali for di esaki den un forma positivo. Awor a resulta segun Lopez cu gerencia lo kier kita beneficio di hopi aña cu nan ta considera hopi importante. Entre e problema, a nota cu lo kier kita e bonus y tambe vakantie uitkering. Como tal e trahadonan a dicidi di para e trabou.