A termina relacion di trabou cu rector di Colegio Arubano

ORANJESTAD - Stichting Middelbaar Onderwijs Aruba (SMOA) a termina relacion di trabou cu e rector di Colegio Arubano Hans Timmermans. Segun e presidente di SMOA Bart Kool, e ambiente den cual e acuerdo di trabou a wordo cera, a deteriora seriamente den di dos mitar di 2015. No obstante esaki a traha duro pa por mantene e nivel halto di enseñansa di Colegio Arubano bou di control, y pa realisa e plannan impone manera planea. 

RECTOR AO

For di 6 di januari 2016, e rector a meld ziek. E malesa y ausencia di e rector desde januari a crea un situacion hopi indesea pa e scol, segun SMOA. Nan ta sigura cu a tuma paso mesora pa garantisa e continuidad di e scol, y asina por bisa cu ningun dia e scol no tabata sin rector. Mirando e situacion, e scol a cuminsa busca un solucion pa e problema, cu a conduci cu for di medio februari caba, partidonan a cuminsa papia cu otro. Tabata hopi cla tempran cu no tabatin mas quimica entre e partidonan pa continua.  A yega na un acuerdo cu entrante 1 di april e rector no ta den servicio mas di SMOA. Detaye di e retiro aki lo no wordo discuti ni haci publico segun SMOA. E prioridad awor ta pa haya un rector nobo.