Cifranan di gobierno y CAFT ta diferencia di Banco Central

AMSTERDAM - No obstante un comentario positivo di e colegio di supervision di Aruba riba e situacion financiero, parlamentario Hulandes Andre Bosman ta keda preocupa cu e situacion. Sigur si, segun e parlamentario, cifranan di Banco Central no ta cuadra cu e rapport emiti. "E raportage por ta bon, pero nan ta pone comentario acerca" Bosman a bisa. E dos puntonan di preocupacion di CAFT ta wordo comparti cu Bosman. "Mi ta preocupa riba e cifranan di CAFT cu ta diferente cu e raportahe di Banco Central" aki e parlamentario ta papia riba e diferencia di deficit unda cu ta papia di 200 miyon, mientras cu CAFT ta papia di 89 miyon. "Esey ta cifranan completamente diferente". 

CUESTIONA CIFRA

Bosman ta cuestiona e forma con ta yega na e cifranan, y si e cifranan ta cuadra, y mas importante, con pa haya claridad riba tur esaki. E forma di financia no ta na ordo ainda segun Bosman, y ta haciendo magia cu e cifranan. "Y mi ta no ta aproba esaki". Bosman a mustra cu e ta bay check cua cifra ta esun corecto, y ta spera cu e minister cu ta atende cu asuntonan di Reino dentro di poco duna un clarificacion na Tweede Kamer. "Oficialmente nos no tin e raportahe ainda, y esey tin cu wordo manda pa nos ainda" Bosman ta bisa. 

PREGUNTA NA MINISTER PLASTERK

E hecho cu CAFT a duna Aruba un tempo te mei pa delibera atrobe riba e cifranan di e prome cuartal y e progreso di e desaroyo  pa cu e refineria. Bosman segun su splicacion na NoticiaCla.com, lo bay haci preguntanan concreto na e mandatario, pasobra e ta considera e situacion hopi inusual. "Aruba no ta un pais cu ta blo cambia gobierno, y ta un gobierno sin coalicion, y ainda e asuntonan no ta na ordo". Ta bin cada biaha cu promesa y esaki no ta wordo cumpli cu ne. Constantemente Aruba ta haya prolongacion, mientras cu un pais manera St Maarten, cu ta cada biaha ta cambia di gobierno, toch ta logra drecha su presupuesto". 

CUESTIONA PRESTAMO DUNA

Pa loke ta e parti di prestamo aproba pa Hulanda pa Aruba subi mercado internacional y fia placa, Bosman ta considera esaki sigur como imprudente. Tanten cu e cifranan no ta corecto y cu tin diferencia grandi den esaki, ta importante segun e parlamentario pa atende cu esaki prome cu duna mas fiansa. Mester nota si, cu e prestamo a wordo duna pa solamente paga e debenan internacional di Aruba y no pa debenan 'local' of pa paga cosnan coriente.