Hulanda den e top 10 di paisnan mas felis di mundo

AMSTERDAM - Hulanda ta posiciona su mes na di siete lugar riba lista di paisnan unda hendenan ta sinti nan mes felis. Na Dinamarca e hendenan di mas felis ta biba. Den e top dies tin un total di siete pais di Europa segun e investigacion realisa pa Sustainable Development Solutions Netwerk (SDSN) conhunto cu e Universidad di Colombia. Te cu aña pasa Suiza tawata ocupa e promer lugar, pero e ta keda remplasa pa Dinamarca, cu te aña pasa tawata e di tres pais di mas felis. Hulanda tawata ocupa e aña anterior tambe e posicion siete. Islandia, Norwega, Finlandia, Canada, Nueva Zelandia, Australia en Suecia ta forma e top di paisnan mas felis di mundo.

MAS INFELIS

E paisnan di mas infelis di mundo ta esnan ubica den areanan unda ta reina tension politico, manera den gran parti di Africa y Medio Oriente.  Den e pais Africano Burundi e hendenan ta sinti nan e di mas infelis. Tambe Madagascar, Tanzania, Liberia, Guinee, Rwanda, Benin, Afghanistan, Togo y Siria ta para abou den e lista unda hendenan ta sinti nan felia.  Den Europa Bulgaria ta score abou  (# 129). E grado di felicidad ta ser determina tambe pa e producto interno bruto (GDP) y e calculacion di e expectativa di bida. Locual tambe ta conta ta e stabilidad social y e ausencia di corupcion di sector publico y di sector priva.

Skirbi pa: Reuters/NU.nl  Potret di: ANP