Nunca no haci conflicto tocante sancion parti di e areglo di disputa

DEN HAAG – Tur pais den Reino mester tuma sancionnan di Union Europeo (UO) over. Otro siman Tweede Kamer lo acepta e Ley di Sancion di Reino, asina por conclui durante e debate di ayera.

SANCCIONAN

Sancionnan di UO tin como meta pa cambia conducta no deseabel di pais, organisacion of persona. Segun minister di Asuntunan Exterior Bert Koenders (PvdA) tur pais den Reino mester tuma e sancionnan over a base di articulo 3 di Statuut. “No por refina zeta Iranes na Corsou si na Rotterdam tampoco no por.” E paisnan Caribense ta haña un voto si ora di determina e punto di bista di Reino. Hulanda ta informa e otro paisnan tocante desicionnan cu ta bini, y nan ta comparti nan vision. E paisnan Caribense ta particiipa tambe na e combersacionnan final tokante posibel sancion.

DISPUTA

Aruba y Sint Maarten a tuma un legislacion caba cu cua nan ta join Hulanda. Pero Corsou tin obhecion contra e Ley di Sancion di Reino pasobra posibel sancion contra pais bisiña Venezuela por dal economia local duro. Miembro di Tweede Kamer Roelof van Laar (PvdA): “Esaki por tin consequencianan grandi pa e partinan Caribense di Reino, of hasta un disputa.” Pero Koenders no kier pa conflicto tokante medidanan di sancion bira parti de e futuro areglo di disputa. Esaki lo pospon’é y esey no ta den interes di e politica di seguridad.”

UNION

Segun Han ten Broeke di VVD e union di tantu Reino komo Union Europeo tin prioridat. “Ta aden of afo. Ademas cu masha interes mi ta warda mira e candidatura di Corsou pa un asiento den Conseho di Seguridad.”

Ten Broeke: “Sin sancion nunca Iran lo no a yega na mesa. Pero sancionnan tabatin efecto solamente cu un maneho uniforme, esey nos mester keda mantene” Van Laar ta di acuerdo cu Reino mester tuma un punto di bista conhunto, pero ta enfatisa mas envolvimente Caribense.

PVV

Raymond van Roon (PVV) ta yama e resistensia curasoleño ‘cabesura y no deseabel’. Toch e ta anuncia cu PVV lo vota contra e Ley di Sancion di Reino pasobra segun e, si Union Europeo bin mete ta mas pio cu Corsou su cosnan di cabesura. Van Laar: “Ta danki na boso cu mas oro Assad por habri un cuenta di banco. Ta esey boso ta haci posibel.” Diamars 22 di maart ta vota riba e proposicion di ley.

Autor Pieter Hofmann Caribisch Netwerk foto Caribisch Netwerk