Readers Digest tin Aruba den top 10 di destinacion tropical pa observa parha

ORANJESTAD - E revista cybernetico popular di naturalesa ‘readersdigest’ a nombra Aruba den su top 10 di lugarnan mas tropical pa observa parha. Segun e portal, observa parha durante un vacacion, ta un negoshi grandi. E ta un mercado pa aficcionado di parha rond mundo y como tal un mencion asina, ta duna Aruba un chens pa haya mas tipo di turista cu ta interesa pa practica e hobby aki.  

CRITERIA USA

Pa loke ta e criteria uza pa Aruba, e portal ta papia di cu Aruba ta conoci pa su playanan bunita, pero cu e tin un sorpresa pa amantenan di parha, situa meymey di dos di Aruba su stripnan mas popular di turista. Ta haci mencion di e sanctuario di parha na Bubali, y tambe Parke Arikok. Ta menciona ademas detaye di cada lugar y kico tur por mira. Ta haci mencion di e shoco, y tambe cu por mira mas di 60 specie di parha migratorio cu ta traha nan neishi hopi biaha na Aruba. Sigur un bon propaganda atrobe pa Aruba. Por mira e articulo original aki.