Turista a contrae Zika virus na Aruba y bira malo na Merca

MOUNT VERNON — Cuater siman despues di a test su sanger, e departamento di salud di condado di Knox a informa cu un residente local a test postivo pa e virus di Zika. Asina e porta 'mountvernonnews' ta raporta. E homber di 52 aña mas probabel a contrae e virus na Aruba durante su vacacion recientemente. Na su regreso na su pais, el a cuminsa sinti e simptomanan, y a test na e departamento di salud na comienso di februari ultimo. NoticiaCla.com a tuma contacto cu e departamento di salud na Aruba, pero no por a haya un reaccion di nan ainda. 

ARUBA COMBATIENDO VIRUS

Aruba for di algun tempo ta riba e lista internacional di paisnan cu tin e virus, y awor cu e noticia aki, e ta pone e isla riba un otro spot no faborabel, aunke cu ta un noticia isola cu no por confirma cu enberdad el a contrae e virus na Aruba. E virus di Zika ta wordo bringa localmente di un forma hopi agresivo unda cu a implementa un campaña grandi di fliet rond Aruba, cu tin un costo di mey miyon florin total. Aruba tin su casonan importa registra pero tambe local, esta cu na Aruba mes personanan a contrae e virus. Por lesa e articulo original aki.