Aruba den top 5 di destinacion popular pa casino pa Caribe

ORANJESTAD - E conocido blog di gaming, Lucky Nugget Casino, Aruba ta den e top 5 miho islanan pa Casino den region. De hecho e ta wordo menciona na di 4 lugar despues di uno na Punta Cana, Republica Dominicana. Corsou ta na number 2 cu Veneto Casino. Segun e blog, tin hopi localidad internacional cu ta dedica na e mundo di casino, di cual esun mas obvio ta Las Vegas. Sinembargo, segun e blog ta sigui relata, tin otro hubnan di casino cu ta exita e amante di casino. Un destinacion gusta ta Caribe. Un destinacion mas conoci pa su factornan natural manera beach, biento y solo. No obstante esey, casino ta domina aki tambe. 

CARIBE A SURPASA PROBLEMANAN FINANCIERO

Tambe ta relata cu hopi lugar a bay ‘malo’ financieramente, y sinembargo den Caribe, hopi ta e casinonan cu a logra sobrevivi. Entre nan esnan den Caribe. Bahamas ta lidera e top 5, sigui pa Corsou, Republica Dominicano, Aruba, y Puerto Rico ta cera e grupo di 5. 

CASINO DI ARUBA CU A LUCI DEN TOP 5

E casino na Aruba cu ta haya e ‘honor’ ta esun di Marriott, esta The Stellaris. E motibo di e escogencia ta e volumen halto di hende cu e casino ta atente. E ta habri 24 ora y ta ofrece weganan tradicional y contemporaneo. Sigur un otro mencion positivo pa turismo di Aruba. Foto cortesia  Tripadvisor