A detecta fayo den 10 pa 15% di pasaportenan Hulandes

DEN HAAG - Den un total di 10 pa 15% di tur paspoort Hulandes tin un fayo. E fingerprintnan a wordo graba riba un forma robes riba e chip. Minister encarga cu asuntonan di Reino Ronald Plasterk a skirbi Tweede Kamer cu e lo no tin efecto directo riba e ciudadano Hulandes, pasobra e documento ta keda uno valido. Asina e agencia noticioso Hulandes NOS ta raporta. Na Aruba no tin prueba ni ta conoci pa e.o. hefe di Censo Sharin Luydens, cu esaki ta afecta nos isla. 

FINGERPRINT

Desde 2004 Union Europeo a obliga tur pais miembro pa añadi fingerprint (huella) digital na un pasaporte nobo. Pero ainda e parti ey no tin ningun uzo oficial, pero cu tempo e mester bira un medida extra di verificacion. For di un prueba isola di departamento di Reino, a resulta cu un decimo di tur pasaporte a druk e huella cabes abou riba e chip. 

FAYO TECNICO

Plasterk a laga investiga unda e fayo exacto ta, pero e ta mas sigur pasobra e aparato di scan pa un tempo caba tabata wordo uza robez. Cuanto biaha a haci esaki fout, ta desconoci, debi cu un huella no ta aparece ningun otro caminda cu sino riba e chip di e pasaporte.