NEXT LEVEL Barbershop celebrando su re-apertura

ORANJESTAD - Den un circulo familiar, Valentino Wernet a celebra re-apertura di Next Level Barbershop situa dilanti di Elmar na playa. Valentino desde un edad hopi hoben tabata pela su amigonan rond di cas den bario di Noord. E tempo ey conoci como pela bou palo. Despues cu aña nan a transcuri Valentino a gara e oportunidad na 2006 y a drenta den e mundo di barberia. Pero cu e soño pa bin cu algo diferente na Aruba. Awe Aruba tambe tin un barberia na nivel di elegancia. Pasobra e hende homber tambe ta cuida su mes y ta wak unda e ta pela. Next Level a bin pa sirbi e cabayero riba un otro nivel. Nos kier gradici tur cliente cu durante 10 aña ta clientenan fiel. Alabes invita esnan cu ainda no a experencia Next Level Barbershop pa bin y bishita nos. Riba e fotonan por experencia un poko di e celebrashon.