Taxistanan cu keho riba bishitantenan cu ta bin Aruba pa busca droga

ORANJESTAD - Hopi bishitante pa Aruba ta pidi pa droga. Algun cos cu a bin sali na cla durante e bishita di taxistanan cerca minister di husticia Arthur Dowers. Durante e reunion recien, un di e cosnan cu minister a scucha di e taxistanan, ta e hecho cu hopi hende cu ta bin e pais aki, ta bin pidi pa por facilita nan cu droga of con pa yega na droga y un di e cosnan cu ta realisa cu door cu nos pais ta forma parti di Reino Hulandes, cu tin hende ta pensa cu por ta na Hulanda tin un maneho riba substancianan ilegal, y p'esey cu e substancianan ey na Aruba tambe por wordo rekeri bou di e mesun condicionnan.

PREVENI TAXISTA HAYA NAN CONFRONTA CU COSNAN ASINA

Pa medio di informacion por preveni cu e taxistanan por haya su mes confronta cu tipo di cosnan aki, pero cu nan tambe ta solicita pa e productonan aki, y asina trece un atraccion di personanan cu kier facilita e productonan ilegal aki na nan. Esey ta un cos cu pa basta tempo ta bin riba mesa, principalmente for di e sector turistico, cu ta midi’e como factor di riesgo. Ta importante pa mira den e esfera di prevencion, con por informa hende y con ta bay preveni pa hende bay busca den cosnan ilicito, y asina reduci e riesgo cu e hendenan aki ta core, door di duna informacion na nan kico por y kico no por riba nos pais.