Asosashon ADT ta conmemora 40 aña Himno i Bandera i 30 aña Status Aparte

WILLEMSTAD - Asosiashon Aruba Dushi Tera lo konmemora Dia di Himno i Bandera di Aruba djabierne, 18 di mart próksimo.  Den kuadro di e dia spesial aki, un i tur ku ta stima Aruba ta invitá pa asistí na un Santu Sakrifisio di Misa. E dia lo kuminsá 6:30am di mainta ku hisamentu di bandera di Aruba na kas di un persona Arubano ku ta biba na Kòrsou pa hopi tempu kaba.E aña aki, nos a skohe un kas di famia ku ta situá na Ser'i Domi.

LUGAR

E misa lo tuma lugá na parokia di Steenrijk di 7'or pa 8'or di anochi huntu ku pastor Raul Mercedes i Kor Rejoice.  Despues di misa lo tin un brindis den Hofi di pastor na Misa di Steenrijk. E selebrashon ta kontinuá djabièrne ku un tremendo selebrashon na Rif Fort Village. Animashon ta na enkargo di Gino & Friends for di 9'or di anochi. Sea bo ta Arubano òf simplemente bo ta stima Aruba...djòin Asosiashon Aruba Dushi Tera djabièrnè dia 18 mart pa konmemorá Himno i Bandera di e pais bisiña di e forma spesial aki.