Sulvaran: Schotte ta apela y mester consider'e homber inocente

WILLEMSTAD - Prome minister Gerrit Schotte, manera por a spera, a anuncia pa medio di su abogado Eldon "Peppy" Sulvaran, cu e ta apela su sentencia ricibi awe mainta, y cu como tal 'por lo pronto mester considera Schotte como hendenan inocente'. NoticiaCla.com por a confirma tambe cu su partner Cicely vd Dijs tambe ta apela e sentencia.

SENTENCIA

Algun rato prome Corte a sentencia ex prome minister Gerrit Schotte na 3 aña di prizon y 5 aña sin ‘kiesrecht’ den e caso Babel. Su partner Cicely vd Dijs a haya 18 luna di castigo di prizon. Tabata un rato pasa cu hues a duna veredicto den e caso. Hues a indica cu no tin indicacion di un persecucion politico di parti di OM. 

VEREDICTO:  

Corte ta haña prueba cu e 2 invoicenan cu a haña na Italia ta falsifica. Corte ta haña prueba tambe cu tabata tin "valsheid in geschrifte”. Corte ta haña cu Sra. Cicely van der Dijs a falsifica e documentonan y cu yudansa di otronan of conciente di esaki, e la falsifica e documentonan, entre otro facturanan cu logo di Vanddis riba dje. Hues ta haña prueba tambe cu Sr. Gerrit Schotte no a papia berdad relaciona cu su paspoort diplomatico. Corte ta indica cu e persona mes ta responsabel pa su paspoort. Corte ta haña cu como ambtenaar, Gerrit Schotte a laga su mes ser cumpra dor di regalonan y cen di Sr. Francesco Corallo. Corte ta haña cu labamento di placa ta un hecho castigabel. 

E SENTENCIA

E sentencia contra Schotte di 3 aña prizon ta kitando e dianan di voorarrest. Schotte ta keda sentencia tambe na 5 aña for di "kiesrecht" pues cu e no por ser elegi den eleccion pa e proximo 5 añanan. Pa loke ta su partner, corte ta dicta sentencia y ta condena Cicely van der Dijs na un castigo di prizon di 18 luna kitando e dianan di voorarrest. Foto ta cortesia di Yves Cooper.