Ex prome minister Schotte sentencia na 3 aña di prizon

WILLEMSTAD - Corte a sentencia ex prome minister Gerrit Schotte na 3 aña di prizon y 5 aña sin ‘kiesrecht’ den e caso Babel. Su partner Cicely vd Dijs a haya 18 luna di castigo di prizon. Tabata un rato pasa cu hues a duna veredicto den e caso. Hues a indica cu no tin indicacion di un persecucion politico parti di OM. 

VEREDICTO:  

Corte ta haña proba cu e 2 invoice nan cu a haña na Italia ta falsifica. Corte ta haña proba tambe cu tabata tin "valsheid in geschrifte”. Corte ta haña cu Sra. Cicely van der Dijs a falsifica e documentonan y cu yudansa di otronan of conciente di esaki, e la falsifica e documentonan, entre otro facturana cu logo di Vanddis riba dje.  Hues ta haña proba tambe cu Sr. Gerrit Schotte no a papia berdad relaciona cu su paspoort diplomatico. Corte ta indica cu e persona mes ta responsabel pa su paspoort. Corte ta haña cu como ambtenaar, Gerrit Schotte a laga su mes ser cumpra dor di regalonan y cen di Sr. Francesco Corallo. Korte ta hanja ku labamentu di plaka ta un hecho kastigabel. 

E SENTENCIA

E sentencia contra Schotte di 3 aña prizon ta  kitando e dianan di voorrarrest. Schotte ta keda sentencia tambe na 5 aña for di "kiesrecht" pues cu e no por ser elegi den eleccion pa e proximo 5 añanan. Pa loke ta su partner, corte ta dicta sentencia y ta sentencia Cicely van der Dijs na un castigo di prizon di 18 luna kitando e dianan di voorarrest. Foto ta cortesia Dick Drayer.  Lesa e sentencia di Schotte completo aki. Pa sentencia di vd Dijs, lesa aki.