Scarsedad di placa na Corsou

WILLEMSTAD – Corsou ta pasando den un scarsedad di placa larga. Esey tin empresanan man na cabes. Acusacion di Comercio y Industria (VBC) a haci un apelacion awe na publico pa nan presenta cu cen larga cu nan tin na empresanan, pa asina alivia e situacion. Principalmente supermercadonan y tambe empresanan chikito ta haya hopi molester cu e falta di cen larga aki. VBC na algun ocasion caba a atende e aspecto aki cu e autoridadnan concerni y a compronde di nan cu ta trahando na un solucion structural. Entre otro a busca monedanan nobo cu pronto lo yega Corsou y lo mester trece un alivio.

Segun calculonan, considera e cantidad di cen larga cu ta registra basicamente lo no mester tin scarsedad. E indicacionnan ta mustra cu pa motibonan desconoci e consumidonan ta tene e placanan larga cerca nan y no ta hincando e cennan aki den circulacion. VBC a haci un apelacion na e publico cumprado pa duna nan cooperacion y pa asina aki contribui na e aspecto di scarsedad di placa larga y ofrece e placanan larga aki na supermercado y tienda. Di e forma aki por contraresta e periodo te ora cu e cennan larga nobo yega. VBC a gradici tur consumido pa nan cooperacion den e caso aki, asina e organisacion a bisa den un comunicado distribui awe. Por nota aki nan, cu hopi hende no ta saca cen larga, pasobra hopi biaha ora paga cu moneda, e publico cu para den rij no tin pasenshi pa laga conta tur cen. Esey sigur ta un di e puntonan cu tin e situacion manera e ta awor aki