Sara Quita Offringa cu otro logro mundial

FUERTEVENTURA - Cu su cara expresivo di semper, e windsurfer mas popular di Aruba y awor di mundo, Sara Quita Offringa a celebra otro victoria durante fin di siman. Riba un di e islanan canaria (Fuerteventura) e la sa di gana e prome lugar atrobe di Freestyle. Un disciplina cu e ta domina  miho cu cualkier rond mundo awendia. E la gana asina hopi caba cu e la bira algo 'comun' casi pa lesa di su logronan ora cu e gana. Sinembargo cada logro ta un muestra cu e ta dedica na e deporte y cu e ta costa hopi energia y esfuerso pa por yega unda cu e la yega. Offringa awendia ta studia na Hulanda, y ora cu e por, ta competi den eventonan mundial di windsurf. E fin di siman aki e la post un mensahe digno di un 'Sara Quita'. 'Hisa bo man si ta Arubiaano bo taaa, zwaai bo man si ta Arubiano bo taaa !!!!! Finished in 1st. Fuerteventura freestyle grandslam over and out ! Braaaaaaaa!' ta e forma con e la anuncia su logro di diasabra. Y hunto cune un potret di Susi Timm.