Aruba, Corsou y Boneiro ta traha pa realisa un Fast Ferry

KRALENDIJK – E gobiernonan di Aruba, Boneiro y Corsou a reuni recientemente na Bonaire pa papia riba un coneccion maritimo mas rapido entre e islanan. E reunion tawata intenciona pa stipula e condicionnan general necesario pa haci economicamente posibel un operacion di un Fast Ferry entre e islanan. Diputado Silberie (di infrastructura) a tuma nota di e conclusionnan di e sessionnan. 

Servicionan di aduana a conclui cu e leynan actual ta brinda e posibilidad pa un operacion specifico di Fast Ferry. Desde e perspectiva di ICT a propone diferente solucionnan pa un declaracion rapido y eficiente di productonan, pa realisa un tardansa minimo den procesamento. Esaki no ta solamente importante pa e Fast Ferry, pero ta tambe pa cumpli cu e demanda general di Boneiro pa atende na un manera mas efectivo y mas eficiente y sin mucho papeleo. E reunion constructivo ta un promer paso, y medio april lo tin e siguiente reunion unda lo sigui delinea e ideanan pa cu realisacion di e proyecto aki.

SERVICIO DI INMIGRACION

Servicionan di inmigracion, polis y KMAR di e islanan a traha conhuntamente riba un cuadro pa coperacion y pa intercambia informacion pa cu eherce controlnan eficientente. Esaki no ta di importancia solamente pa e Fast Ferry, pero por ta relevante tambe pa e aeropuertonan. E autoridadnan portuario a uni nan mes pa discuti e posibel localidad di e wafnan. A indica cu pa Aruba en Curaçao tin preferencia pa haci uzo di infrastructura di wafnan existente. Esaki lo haci a corto plazo un operacion posibel. Un operacion ideal lo rekeri di hopi aña pa realisa.

CONCLUSION

E conclusion final ta cu a haci stapnan grandi pa un coperacion y cu tin ideanan concreto con ICT por brinda solucionnan pa intercambia informacion. No a detecta ningun obstaculo den legislaciom existente pa e ehercemento di tareanan di control. A delinea un planificacion den tempo mas acelera haciendo uzo di infrastructura di wafnan existente cual a ser considera ora di midi e grado di su realisacion. Ta ser spera cu pa mei proximo, e paisnan lo tuma desicion con lo duna e operacion (di e Fast Ferri) forma. Fuente: www.Bonaire.nu