No tin plan concreto ainda pa desaroya area 'bashi' riba waf

ORANJESTAD - Ainda no tin ningun plan cla pa desaroya e area bashi cu a keda despues cu a kita e edificionan cu tin riba waf den loke tabata freezone. Esey gobierno a confirma recientemente ora cu nan a informa riba e fasenan di e Welcome Plaza. Segun gobierno, ta papia cu 'ta trahando duro riba preparacion di e area unda antes tabata tin warehousenan di Freezone y tambe parkeo di containernan’ pero cu no tin nada cla. Segun e comunicado, e preparacionnan ta pa por cuminsa traha riba e plan pa desaroya e area den un continuacion di Linear Park, rehabitalisa Mambo Beach y lo tin un parti comercial.” E plannan ainda ta den desaroyo, pero segun minister di Infrastructura Benny Sevinger ta segura, asina cu e plannan keda finalisa, lo informa pueblo di e detayenan pa e desaroyo turistico nobo aki”. No a duna un tempo tampoco, con largo lo dura prome cu esaki keda cla.