Kioskonan banda di Arubus lo muda pa Welcome Plaza dentro di un tempo

ORANJESTAD - E kioskonan cu tin otro banda di caminda (dilanti waf net pabou di e parkeer area di Arubus), lo tin cu muda dentro di poco. Asina e mandatario di infrastructura Benny Sevinger a bisa e siman cu a pasa. E ta pardi di un informacion cu e mandatario a comparti riba e update di trabounan riba e Welcome Plaza. Segun e mandatario, lo tin un set di kiosonan nobo y ta bay over na muda e parti ey riba Welcome Plaza. E kioskonan di palo cu tin na e momentonan aki otro banda di e caminda lo word kita. Esunnan nobo ta bay ta mas moderno, cu un tint Caribense y ta bay tin mas reglanan pa asina por tin un miho y mas bunita aspecto pa turistanan cu ta yega nos isla di bishita.