Hoben Franken asesina na Noord dialuna marduga

ORANJESTAD - Awe marduga polis a registra e di dos caso di asesinato pa 2016, ora cu a bin topa un homber sin bida na un percela na Noord. Na yegada di polis a bin topa enberdad cu e curpa di Dayron Michael Franken (23) cu a wordo tira mata. E melding oficial a drenta 2:13 na centrale post cu ‘a scucha algun tiro na altura di algun percela na Noord’. Pa 3’or di marduga dokter Mungra a constata morto di e hoben aki. Fiscal E. Lugo a tuma e curpa den beslag pa conduci mas investigacion. Informacion cu NoticiaCla.com tin, ta cu ta trata di un conoci di polis. NoticiaCla.com ta manda palabra di condolencia na famia di e fayecido.