Chino y Nacho den lineup Aruba Summer Festival 2016

ORANJESTAD - E grupo Chino y Nacho ta parti di e line up di e proximo Summer Music Festival, cu ta tuma lugar riba dianan 24 y 25 di juni proximo. E siman cu a pasa, e grupo mes a pone esaki riba nan website y facebook site, confirmando e cita cu Aruba. Fuera di nan, otro nombernan cu ta zona, pero cu NoticiaCla.com no por por a confirma, ta esun di Enrique Iglesias, cu for di aña pasa mester a bin pero cu a bay Corsou despues pa festival di Jazz. E aña aki supuestamente e organisadornan lo ta bezig cu ne. 

CHINO Y NACHO PA CORSOU

Chino y Nacho inicialmente tabata poni pa bay Corsou pa e di dos edicion di Festival Latina cu tambe ta tuma lugar na juni proximo. Pero segun e organisador di e festival ey, esaki no a sigui y a opta pa bin cu Gente de Zona. E festival di Corsou ta tuma lugar dia 3 y 4 di juni proximo.