Sospechoso Elvis “Monster” Kuwas den corte dialuna pa caso Magnus

WILLEMSTAD – Tur cos ta cla na Corsou pa e caso grandi di aña, cu ta esun di asesinato di politico Helmin Wiels, caso Magnus, cuminsa dialuna mainta tempran. For di diadomingo a sinti cu tin algo ta sosode ya cu autoridad a sera e area rond di Corte (Stadhuis) cu ta reserva pa resto di e siman aki pa e tratamento. E persona porta considera como esun principal, Elvis “Monster” Kuwas a yega Corsou diasabra for di Hulanda y lo ta presente den Corte dialuna.

Fuera di Kuwas, cu tin representacion di mr Saleh, tin cu presenta dialuna e acusadonan Burney Fonseca, representa pa abogado Vaders, Dangelo Damascus representa pa Lodowika, y Carlos Pieter cu representacion di mr Blonk. E fiscal principal lo ta mr Rip y e huez ta mr van Dam.

Pa loke ta seguridad pa e caso, polis lo sera cierto caminda pa vehiculo motoriza: Personanan cu tin di bishita un of otro establecimento of oficina den e cayanan aki por staciona nan auto na un otro sitio y bai na pia. Solamente famia di sospechoso(nan) y di e victima por presencia e caso aki, y periodistanan tambe por ta presente. Pa loke ta e transmision, Corte a pone un link disponibel cu lo por wordo uza pa radionan transmiti e audio di e caso. Tur radio participe a haya un password y instruccion con pa trata cu e caso aki pa e proximo dianan. Foto ta cortesia knipselkrant curacao.