Ex trahadonan di casino lo warda negociacion dilanti hotel atrobe

ORANJESTAD – E ex trahadonan di Aura Casino un biaha mas lo mustra nan malcontento cu e situacion cu nan ta aden, primordialmente di incertidumbre pa cu nan trabou. Diabierna nan a mustra nan malcontento   caba door di para pafo di e hotel, mientras cu e supuesto operador nobo tabata reuniendo cu e doño di e hotel Barcello. E trahadonan mester a tende 1 di maart si e operador nobo a logra keda cla, pero e dia a bin sin cu esey a sosode.

WARDA RIBA CONTESTA

Diasabra mainta e ex trahadonan un biaha mas lo mustra nan malcontento dilanti di e hotel y warda e negociacionnan caba pa nan por tende personalmente kico lo sosode cu nan futuro. Tabatin informacion diabierna cu pa diasabra mainta si e reunionnan lo mester produci un resultado pa cu e trahadonan.

E SITUACION

Manera ta conoci, for di tempo cu e casino Aura a cera na december, un grupo di trahado a keda sin trabou, mientras cu otronan a haya trabou temporal. Mientrastanto tur e trahadonan ey tambe a keda sin trabou y awor tin 44 trahado sin trabou atrobe, pa 3 luna caba. A pone e fecha di 1 di maart pa e supuesto operador nobo keda cla, sino mester a entrega e posibilidad pa otro operador. Foto ta di archivo di NoticiaCla di ora cu e ex trahadonan a protesta dilanti Bestuurskantoor recientemente.