Bapor di Marina Hulandes a intercepta 400 kilo di droga

ORANJESTAD - E bapor di Marina Hulandes, Zr. Ms. De Zeven Provinciën, a logra di intercepta mas di 400 kilo di marihuana e siman aki den Lama Caribe.

COOPERACION CU WARDACOSTA MERICANO Y PILOTONAN BELGA

Na e accion aki a participa tambe miembronan di wardacosta Mericano, y pilotonan Belga kendenan a compaña desde e base di defensa aereo y e comando naval di e fregata.

PATRUYA

Net promer cu mainta a habri, e bapor Hulandes De Zeven Provinciën, haciendo su patruya a yega den cercania di un boto di piscador. E boto di piscador a purba di huy. E tripulacion consistiendo di 3 persona, a drenta den panico, y a tira pakinan den lama. E bapor di Marina a inicia un persecucion. Paralelo cu esaki, e helicopter Belga cu ta ser uza pa aborda, a bay den accion. Su tarea specifico tawata pa tene un bista di e area. Finalmente a logra pa detene e trio.

NO A ENCONTRA TUR COS

A logra di saca for di lama 400 kilo di marihuana. Pero dor di e persecucion, no tur paki di droga a ser encontra. E boto di piscador a ser listra pa miembronan di e team di Wardacosta Mericano cu ta nabega conhunto specialmente cu e meta aki. E sospechosonan y tambe e droga ya a ser traspasa pa autoridadnan Americano.