Parti di caminda na Mahuma cera pa Green Corridor

ORANJESTAD - Departamento di Obra Publico (DOW) a anuncia awe cu automobilistanan y en particular e automobilistanan cu ta uza e caminda cu ta bini for di Seroe Biento y Yucuri cu ta bai pa e crusada di Mahuma, cu lo cera un parti di e caminda desde dialuna awor 7 di maart 2016.

CONSTRUCCION DUIKER NOBO

E trabounan ta encera construccion di un duiker nobo y en conexion cu esaki lo bay cera un parti di caminda pa tur trafico. Lo indica e ceramento di e parti di caminda cuestion cu borchinan di trafico. E trabounan relaciona cu esaki lo tin den total un duracion di 6 siman di trabou.

COMPRENSION

DOW ta pidi pueblo di Aruba comprension y cooperacion pa e trabounan cu mester tuma lugar y ta pidi disculpa pa cualkier inconveniencia cu por surgi.