Parlamentario deteni na St Maarten pa caso 'Octopus'

PHILIPSBURG – Awe mainta autoridad a detene parlamentario Silvio Matse y algun otro persona relaciona cu e caso ‘Octopus’. Tabata a base di informacion adkeri di Ministerio Publico cu parlamentario Matse lo a cumpra voto pa e eleccion parlamentario na augustus di 2014, a cuminsa un investigacion di hechos na october di e mesun aña. A cuminsa un investigacion penal cu a conduci awe mainta den detencion di e parlamentario hunto cu 2 otro persona, E.F, y R.K. A haya droga, y a confisca joyas y un auto di luho.

ENTRADA HUDICIAL

Relaciona cu e caso contra Matse, mester conduci dos entrada hudicial ainda, esta na e cas y oficina di e parlamentario. A ‘freeze’ e localidadnan en espera di un orden emiti pa Corte. Corte mester duna un orden si ta trata di un parlamentario, ora di un entrada hudicial.