St Maarten cu daño minimal di tormenta tropical Bertha

PHILLIPSBURG – Tormenta tropical Bertha a haci su pasada pazuid di St Maarten y resto di isla riba pero no a haci mucho daño. Esaki segun fuentenan di NoticiaCla a informa diasabra merdia. Unico daño bisto tabata borchinan politico cu biento a benta abou, y un boto di bela grandi cu 11 persona a bordo a haya su mes den problema na Simpson Bay. Esaki a subi tera. Por lo general pues, e isla no a sufri mucho danjo bisto.

Ultimo biaha cu e isla a haya un sota formal tabata cu horcan Luis na 1995, cu a practicamente destrui e isla grandemente. For di e tempo ey, e isla a recupera di tal forma y prepara su mes di tal forma cu for di e tempo ey, temporada di horcan ta afecta St Maarten minimalmente. Esey kier men cu e isla ta indestructible sino mas bien, ta miho prepara cu antes. Condicion di construccion tambe ta diferente y como tal casnan y edificionan ta wordo traha y reforsa cu horcan den mente. Cos cu no tabatin, of minimal prome cu horcan Luis. E borchinan politico ta relacion a cu e eleccion di Staten di St Maarten dia 29 di augustus proximo.