MEP a pidi un reunion publico riba situacion trahadonan Aura Casino

ORANJESTAD – Fraccion di partido MEP den Parlamento a pidi un reunion publico pa defende derecho di e trahadonan di e casino cu recientemente a cera su porta. “Nos ta entregando un peticion pa trata cu urgencia e situacion cu 44 trahador di Aura Casino ta pasando aden. E postura di Occidental y negligencia di parti gobierno di Aruba ta dunando tur espacio pa yega na un operador nobo pero no ta duna ningun espacio pa garantisa salario di trahadornan” Glenbert Croes di fraccion di MEP a bisa.

DOÑONAN BIEU

Enbista cu doñonan bieu a sera porta y gobierno no a tuma responsabilidad pa e derechonan y bienestar di e trahadornan pa por sigui haya nan salario fraccion MEP kier bai atende esaki.” Loke semper tawata e caso ta cu AVP den gobierno semper a tuma parti pa e companianan y no e clase trahador” .

HENDENAN MESTER WORDO BON TRATA Y PAGA

MEP kier nos hendenan wordo bon trata y bon paga. Loke ta pasando awor cu e caso di Aura Casino caminda cu tur ministernan ta hinca den dje segun MEP, ta hasi e situacion peor y menos transparente pa e trahadornan. “ No ta tolerabel cu e trahadornan lo keda desampara y ta p'esey mes nos kier percura pa salvaguardia interes di e 44 tata y mamanan di famia pa haya nan salarionan atrasa. Un cos ta sigur sinta man crusa den un asunto asina aki lo no yuda cu nada y ta un deber pa yama e minister di Labor Croes bin duna cuenta” e fraccion ta finalisa bisando.