Minister no ta comparti opinion di KvK riba CITGO

ORANJESTAD – E analisis y pensamento di Camara di Comercio riba e plan pa e refineria y e deal cu CITGO, ta grandemente eroneo y no corecto. Asina e mandatario di energia Mike de Meza a bisa prome cu e biaha pa Houston awe mainta. Den un combersacion cu Erin Croes na Magic FM, e mandatario a mustra su desaprobacion pa e comentario cu Camara di Comercio a haci recientemente riba e tema. E ta laga e declaracion di KvK pa nan responsabilidad. “Ami no ta comparti e opinion ey” de Meza a sigui bisa.

OPERACION DI E REFINERIA COMO UPGRADER

Ademas e mandatario a mustra cu e comparacion y splica cu e comparacion cu Camara di Comercio a haci pa cu e formato cu lo bay maneha e refineria si CITGO tuma over, tampoco no ta corecto. Camara di Comercio segun de Meza ta splica cu e refineria lo bira solamente un upgrader y no ta uza e refineria completo y no ta bira un refineria manera cu nos conoce. Aki tambe segun de Meza, esaki no ta corecto.

REFINERIA COMPLETO OF NO

De hecho, segun e mandatario, for di tempo cu Coastal a tuma over, e refineria no ta funcionando como un refineria completo. E unico diferencia cu tin ta cu aworaki e upgrader kiermen cu en bes di presenta un producto final, e ta percura pa duna e petrolio cu e ricibi, un tratamento di tal forma cu e ta ‘’mehora’ e calidad di e petrolio cu despues ta bay otro caminda pa continua su proceso y eynan keda presenta den un producto final pa subi mercado. Algo cu masha tempo caba e refineria ta haciendo. Foto ta di archivo di Mike Eman.