Flip Flop Festival a trece casi 10 mil 'party people' hunto riba beach

ORANJESTAD - Flip Flop Festival by Chill atrobe tabata un exito rotundo. Ofreciendo un lineup cu a combina un elenco spectacular di artistanan local y internacional, organisadonan a bati tur record cu un programa di calidad halto. A conta casi 10 mil hende na e evento cu a cuminsa desde merdia y a sigui te den oranan di marduga.

BEACH GRATIS

E beach festival gratis mas fabuloso di aña a tuma luga riba Eagle Beach den fin di siman cu musica "non stop" pa 12 ora. Un biaha mas e regalonan cu a bin cu e compra di six-pack y caha di Chill tabata un hit grandi.

LINEUP

Flip Flop Festival by Chill a presenta MC Samil como partyhost y e artistanan DJ Yeimy, Buleria, DJ Outkast, Ritmo Real, TOK, Gyptian, Walshy Fire y NutzBeats. E combinacion perfecto di DJ y bandanan live tabata un biaha mas un fiesta "all out"' di cual e publico local y turistanan a disfruta di cuminsamento te na e ultimo notanan.

COMPROMISO CHILL

Cerbes Chill a confirma un biaha mas nan compromiso cu nan clientenan y tabata un gran placer pa nan duna bek na comunidad di Aruba cu un gran evento.

MIX & MINGLE TURISTA

Turistanan ya for di cuminsamento di siman a mustra interes pa e construccion andando riba beach; nan a probecha tambe di "mix and mingle" y disfruta di un bon fiesta na lama, den e estilo unico di Chill. Fotonan ta di NoticiaCla.com