Colegio Arubano cu resultadonan di e tercer school examen

ORANJESTAD - Den luna di januari a tuma lugar e tercer school examen pa e klasnan di Havo 5 y VWO 6 di Colegio Arubano. E alumnonan a traha examen por escrito, practica y verbal den varios materia. Colegio Arubano orguyosamente ta publica e resultadonan di e alumnonan cu a haña e score di mas halto pa e diferente materianan di examen. Cu e resultado di e promer tres school examen, 78% di e alumnonan di VWO 6 lo gradua y 67% di e alumnonan di HAVO 5.

YUDA ALUMNONAN

Pa por sigui yuda e alumnonan pa mehora e resultadonan di examen, Colegio Arubano a reserva dos siman den luna di april pa asina brinda na su alumnonan lesnan specialisa den forma di workshop. Despues di e simannan di workshop ta sigui un siman di simulacion di examen unda cu e alumnonan ta inscribi pa por practica cu examen den un set-up oficial. Tur inscripcion ta bai via e sistema electronico di Colegio Arubano, cual ta Colegelo. Pa cada materia, e docentenan tin un programa prepara cual ta wordo manda pa tur e alumnonan y nan mayornan via email.

FELICITACION PA ALUMNONAN

Concluyendo, Colegio Arubano ta felicita su alumnonan y alavez desea nan hopi exito cu e siguiente periodo di school examen cu ta cuminsa dentro di un siman. Colegio Arubano ta trece na atencion di mayornan pa nan tuma bon nota di e roosternan di CP y SE pa e di cuater periodo cual ta accesibel riba e website di Colegio Arubano, www.colegioarubano.aw y via e pagina di Facebook: Colegio Arubano. Por mira e resultadonan di HAVO aki y di VWO aki.