Grupo grandi di musico di Aruba na New York pa graba nos himno

MANHATTAN – Un grupo grandi di musico di Aruba ta na New York pa graba himno di Aruba cu e orchestra sinfonico di New York. E ta un obra grandi cu ta den man di entre otro Jonathan Vieira y Aaron Hose, como un homenahe na gobernador di Aruba Fredis Refunjol na ocasion di su termino final como gobernador. Colega den prensa Jan Poets ta cubriendo e evento grandi aki. Segun Poets, ayera gran parti di e cantantenan y musiconan a yega Manhattan, NY, pa realisa e grabacion di nos Himno Nacional "Aruba Dushi Tera" acompaña pa Orquesta Sinfonico New York y demas Musiconan di Aruba. Despues di a cena, e prome ensayo a tuma lugar pa asina prepara pa e prome grabacion cu lo bai tuma lugar awe pa 10'or di mainta. "Keda pendiente pa e grabacion den Studio y mucho mas...” Poets a informa riba su pagina di Facebook.  

Fotos cortesia :Poets Show di Jan Poets