Ex trahadonan di casino a protesta na Bestuurskantoor

ORANJESTAD – Ex trahadonan disgusta di Aura Casino a dicidi cu ta basta y a bay protesta awe mainta dilanti Bestuurskantoor. Cu borchi y pancarta nan a bay demostra nan mal contento y purba asina pa haya atencion di e mandatarionan manera Paul Croes y otronan cu por yuda nan. Ya ta bay ta tres luna cu nan a keda sin trabou, y tambe yen di promesa cu un operador nobo lo a tuma over, pero cu te ainda nan no a tende nada. Tur esaki a pone cu nan ‘buchi’ a yena y a dicidi cu nan no ta warda man crusa mas. Como tal nan a dicidi awe mainta pa protesta nan mal contento riba e topico aki. Keda pendiente pa mas informacion mas laat riba NoticiaCla.com.