Facebook a revela e 6 boton nan ‘extra’ pa ‘like’ un comentario haci

LOS ANGELES - Facebook awe a anuncia cu nan ta revela nan expansion di e tan anticipa ‘like’ buttons, introduciendo e ‘reactions’ riba nan web y mobile platform. E update, intenciona pa duna e usuario un forma mas facil y diverso pa reacciona riba un post di un amigo, lo drenta na ‘vigor’ poco poco riba Facebook mundialmente den curso di awe. Tin caminda cu ya caba e ta funciona, y otro caminda no. Den curso di e dianan aki, e lo ta completo una cu tur hende por uza e ‘reaction like’ buttons nobo.

FB REACTIONS

Pa uza ‘reactions’ bo tin cu bay cu e mouse di bo computer riba e boton tradicional di like, (riba bo desktop computer) of primi e boton mes (riba bo telefon), y scoge un di e 6 reaccionnan anima emoji. Fuera di e like regular, awor bo por scoge e reaccion ‘amor’, ‘haha’, ‘wow’, ‘tristo’, y ‘rabia’. “Nos ta compronde cu e ta un cambio grandi, y tabata kier ta ‘pensativo’ con pa saca esaki di e miho manera” Facebook a bisa. “Pa mas di un aña nos a conduci pruebanan global, incluyendo gruponan di enfoke, y encuesta pa por determina ki tipo di reaccion hende lo kier uza mas tanto. Tambe nos a mira con hendenan ta comenta caba aworaki.