Turista apenas dos dia na Aruba ta cay fo’i wave runner y hoga

ORANJESTAD – Un turista Mericano di 69 cu tabatin apenas dos dia riba Aruba di vacacion, a bira victima di un hogamento awe tardi na altura di Eagle Beach. Un biahe riba un wave runner hunto cu su señora, a bira fatal pa e Mericano E.H. Durante nan careda riba e wave runner, H y su casa a cay den awa. E compania di watersport mesora a sali pa duna ayudo, y a ‘rescata’ e señora. Rapidamente nan a nota cu e homber tabatin problema y tabata yud'e tambe. Dado momento e boto Mi Dushi a pasa y tambe a brinda ayudo riba un brancard, y cu intento pa reanima e homber. Asina nan a move pa direccion Eagle Beach.

YEGADA STRANDPOLITIE

Na yegada di strandpolitie, nan a nota enberdad cu e homber y e grupo di persona yudando, tabata yegando na canto di Eagle Beach. E momento ey ambulance tambe a yega y cu e personal a purba sigui reanima e homber. Pero lamentablemente no por a haci nada mas p’e, y pa 3:05 docter Wijngaarde por a solamente declara e homber morto. Importante pa nota cu e departamento di Slachtoffer hulp, cu ta yuda famianan den e temponan dificil, lo guia e señora cu a keda atras, cu tur su tramite di papel y otro asuntonan, te ora cu e bay su pais bek. NoticiaCla.com y KPA ta manda palabra di forsa y condolencia na famia di e fayecido.