Ateliers ’89 cu exposicion ‘Real’ diadomingo awor

ORANJESTAD - Ateliers ‘89 lo tin su prome exposicion cu un grupo international & local di artista dia 28 di februari 6 pm. Ta trata di personalidad nan: Yasmina Da Flamingo (NL), Bernd Trasberger (Germany) , Natusha Croes (AUA) , Kevin Schuit (AUA) , Germille Geerman (AUA) , Wilfred Jansen (AUA) , JEMAIMA (Colombia)

EXPOSISION ‘REAL’

Exposicion ta titula REAL y lo presenta lo mas recien den e desaroyo di arte conteporario. Lo por nota asistencia di artistanan envolvi:

ARTISTANAN PRESENTE

Yasmina Da Flamingo ta den residencia na Ateliers ‘89 investigando e imagen produci den Caribe en cuanto e topico “Tropical Utopia” i lo ta colaborando cu artista local, Kevin Schuit pa crea un instalacion interactivo unda nan lo recrea e imagen tropical cu ta conquista e curasonnan di diferente turistanan biniendo Aruba tur aña.

INTENCION

E intention ta pa ilustra den un manera artistico e efecto cu e imagen produci door di e tropical utopia marketing system ta crea den nos local nan y bishitantenan.

KEVIN SCHUIT

Kevin Schuit a termina su estudio na Gerrit Rietveld Academie den e specialisacion di audio-visual. Kevin ta un musico multi-instrumental cu ta conoci na Amsterdam pa su banda yama “Nancy Acid” en conhunto cu artista Arubiano yama Efrem Angela. Kevin su trabounan ta enfoca riba musica alternativo conteniendo un elemento visual.

YASMINA DA FLAMINGO

Yasmina Da Flamingo ta den e segundo aña den departamento di Audio-visuals na Gerrit Rietveld Academie. Yasmina ta traha den un variedad di medio cu un enfoke riba film & animation.

WILFRED JANSEN

Lo tin artista local Wilfred Jansen den su ultimo aña den departamento di Audio Visual na Gerrit Rietveld Academie, cual cu lo ta presentando un collection grandi di pinturanan concentrando riba e tema di soñonan colectivo. En conhunto cu Natusha Croes nan lo ta presentando un instalacion di pintura y dibuho ilustrando varios ideanan patras di e di e curpa di e isla.

NATUSHA CROES

Natusha Croes a gradua aña pasa den e departamento Audio visual cu un film & performance, durante e exposicion nos lo por mira su ultimo obra unda cu e ta crea musica cu elemento nan organico, i objeto nan cu por ser encontra den nos naturalesa.

GERMILLE GEERMAN

Lo tin artista & videographer local Germille Geerman, cual cu ta un studiante fiel di ateliers ‘89 presentando un instalacion cu video loop y un instalacion interactivo pa activa e mucha den un cada tur. Germille Geerman a participa den varios evento y workshops na Ateliers ‘89, incluyendo e prome Caribbean Linked residency.

BERND TRASBERGER

Lo invita artista di luna Bernd Trasberger, cual cu lo ta dunando un workshop di e medio di sculptura y instalacion durante 22 di februari te 17 di maart.

WORKSHOP

E workshop lo ta investigando e imagen nan di e obra maestro. Purbando di reconstrui door di un investigacion extensivo, kico ta e obra maestro y con e lo por wordo reproduci.

SERIE DI IMAGEN SCOHI

Cada participante lo ta scogiendo un serie di imagennan conteniendo e obra maestro pa despues por reconstrui esaki den un sculptura of instalacion. Bernd Trasberger ta biba na Berlin, y ta traha den e medio di sculptura, instalacion & arte conceptual. Durante dia 28 di februari pueblo di Aruba por ser conoci cu e generacion nobo di artista contemporaneo en conhunto cu un grupo interesante di artistanan internacional cu un passion grandi pa nos isla.