Muchanan a siña importancia di norma y balor cu ayudo di ekipo canino di polis

ORANJESTAD – Muchanan na e campo di verano di Aqua Windies na laman, a haya un presentacion di e ekipo canino di polis riba concientisacion di norma y balornan. E ta parti di e programa di concientisacion di e departamento di relacionnan publico di polis. Fuera di Aqua Windies, mas campo a haya bishita di e departamento aki. Den caso particular di serca e hobennan di Aqua Windies, nan a haya bishita di dos team di K9, consistiendo di un handler (Vianney Coffie) y nan partner canino. E cacho specialisa den Search and Rescue, Zoe y Vito, cu ta un cacho di patruya, esta surveillance a capta y tene atencion di e hobennan durante henter e demostracion. Zoe y su handler a demostra kico ta nan trabao ora un persona perde y cu Vito, su handler a demostra con ta mantene control y hasta e parti di “mordemento”.

Pa e prome demostracion, nan a duna demostracionnan den e pool, mientras cu pa e di dos sesion, esaki a tuma luga riba tera. Asina e hobennan a haya un bon idea di e trabao diario di e team aki di Cuerpo Policial y, particularmente, durante di e di dos sesion nan por a socialisa mas cu e Polisnan y haci hopi mas pregunta. E experto den ramo di K9 ta splica cu adapta na e edad di e muchanan, nan ta presenta e mensahe di norma y balornan mas tanto posibel den e demostracionnan, unda cu nan ta papia tocante norma, balornan, respet pa nan mes, “horea ta pa tende” y pa nan scucha di e adultonan responsabel pa nan. Contribui na un comunidad sano pa awe y pa futuro ta e enfoke pa Cuerpo Policial y nan ta haci’e di curason y durante henter aña. Esaki ta un di e metanan hopi importante cu e demostracionnan cu ta wordo duna pa nos hobennan, Vocero Suplente di Cuerpo Policial, Liliana Rasmijn a añadi. “Muchanan no mester mira Polis como e boeman, pero como nan amigo. Muchanan no mester sinti miedo of angustia ora nan mira Polis, pero mester por sinti nan mes sigur, cu nan ta bon cuida y proteha. Polis ta e persona cu