Martina: Islanan ABC para na cuminsamento di un epidemia di zika

DEN HAAG – Aruba, Boneiro y Corsou ta para na cuminsamento di un epidemia di Zika. Asina Bryan Martina, virologo di Centro Medico Erasmus (MC) na Rotterdam ta pensa. Martina ta enfatisa cu paisnan den Reino mester coopera riba tereno di Zika. “Mi ta kere tambe cu e intencion t’ey. Wak kico por haci hunto y con mester lanta esaki.”

E ISLANAN POR EHEMPEL POR UZA E EKSPERTISA DI ERASMUS MC BON.

“E pregunta di mas importante awor ta: Zika ta responsabel pa microsefalia? Pasobra te awor ta na Brazil so a constata esaki.” Microcefalia, caminda baby ta nace cu un cabes chikito y cu seso insuficientemente desaroya, a observa solamente den e partinan di mas pober di Brazil. Segun Martina pobresa ta causa menos combatimento di sangura, y asina e sanguranan por transmiti enfermedad mas facil. Martina: “Corsou no ta berdaderamente pober, aunke cu tin bario pober. Pero den bario rico tambe tin luga di brui. Na final mi ta kere cu lo bini un epidemia na Corsou y na e otro islanan tambe. Pasobra bo no por evita un epidemia cu ta sangura ta transmiti.” Minister di Salubridad Publico Edith Schippers durante e deliberacion tocante e virus Zika.

TWEEDE KAMER

Den Tweede Kamer awe a papia tocante e virus Zika. Minister di Salubridad Publico Edith Schippers (VVD) a bisa cu e ‘sense of urgency' den Hulanda Caribense ta suficiente. E mandatario ta pensa si pa introduci un deber di meld ora constata e virus di zika. Awor esaki no ta mandatario pasobra segun e, e sistema di meld informalmente ta traha bon.

CENTRALISACION

Probablemente Schippers ta bini na april cu un proposicion di ley pa centralisacion. Gobierno central ta bira responsabel pa evita cu sangura tropical cu ta transmiti enfermedad ta establece nan mes na Hulanda. Actualmente e responsabilidad aki ta cerca munisipionan. E minister ta pensa cu por exhibi medidanan mas miho cu supervision di henter pais.

NO TA ERADICA

Schippers ta bisa cu e proposicion t’ey pa evita cu sangura tropical establece nan mes. Na Hulanda Caribense e sanguranan aki a establece nan mes caba. Riba e pregunta di miembro di Tweede Kamer Reinette Klever (PVV) cu no mester eradica e sanguranan riba islanan BES e mandatario ta contesta: “No, ta imposibel pa eradica e sangura eynan.”

Ret Karibense   Autor: Pieter Hofmann