Sv Britannia Frisian Flag / Sports4All ta gana facil di FC San Nicolas cu score di 8-0

PIEDRA PLAT - Siman pasa tabata tin continuacion di campeonato di AVB 2015 Sv Britannia Frisian Flag / Pizza Hut a enfrenta FC San Nicolas de e prome wega di segundo round di campeonato 2015/16 den Comleho Deportivo Guillermo P. Trinidad unda cu Lionel Kaarsbaan a hasi su debut cu e Pumanan di Piedra Plat. E aliñacion di Sv Britannia Bright Bakery a cuminsa cu ne ta: Lionel Kaarsban den gol, Luis Murillo, Jean Marc Farro, Theric Ruiz y Miguel Gutierrez den defensa, Johatan Ruiz, Margin Kock, Renier Paraez den medio campo y Sebastian Montoya, Luis "Coco" Estrada y Jean Claude Farro den delantero. Ariba banki pa Sv Britannia Gotorade / Vitamalt tabata tin; Kendrick Dania, Derwin Donato, Carl Geerman, Carlos Caro, John Lugay y Cristian Navarro. Capitan di Sv Britannia Sport4all tabata Theric Ruiz. Den di prome round Sv Britannia Pizza Hut tabata sa di gana 5-0 y awor e score a bira un tiki mas halto. E golnan di Sv Britannia Frisian Flag a wordo anota pa; Sebastian Montoya 3x na 19, 39 y 67 minuut di wega, Luis Estrada 1x na di 45 minuut, Luis Murillo 1x na di 47 minuut, Margin Kock 2x 60 y 81 minuut di wega y John Lugay 1x na di 86 minuut di wega. E unico carchi geel di Sv britannia Gotarde / Vitamalt a bai pa Jean Marc Farro na di 49 minuut di wega y cambionan cu tabata tin ta; Carl Geerman a drenta na lugar di Luis Murillo, Derwin Donato na lugar di Theric Ruiz, Carlos Caro na lugar di Renier Paraez y John Lugay na lugar di Jeam Marc Farro. Di e forma aki tambe Sv Britannia Bright Bakery ta keda mantene e di dos lugar ariba tabla di posicion cu 25 punto den 10 wega hunga. E proximo wega di Sv Britannia Sport4All lo ta contra di Riverplate diasabra awor 20 februari