SETAR a tene su "business event 2016" cu e tema: Creating Business Connections

ORANJESTAD - SETAR den cuadro di expresa nan aprecio pa nan partner y socionan tur aña ta organisa un evento den cual nan tin un orado special invita cu un tema special. Ademas di tende di e compania SETAR e ta un oportunidad pa haci networking. Durante e evento aki Director di SETAR ta duna un discurso den cual e ta repasa e prestacion di e compania SETAR y den cual tambe e ta amplia riba su pensamento y metanan pa e proximo temporada.

ORADO INVITA

E aña aki e orado invita tabata Huib van Bockel cu a duna un charla encuanto di con pa transforma un Brand di compania pa crea fanaticonan den e espacio di media di awendia cu ta yen yen di informacion y propaganda. Van Bockel tin un experiencia extensivo na companianan manera MTV Networks y Red Bull. Como hefe di mercadeo di Red Bull, el a hunga un rol importante den e transicion pa haci e compania un imperio di media cu e ta awendia.