Abogado Sulvaran a pidi pa reduccion pisa di castigo pa Schotte y vd Dijs

WILLEMSTAD – Abuso di poder di ministerio publico a causa daño na su clientenan. Asina e abogado di e acusadonan den caso Babel, Gerrit Schotte y Cicely vd Dijs, Sulvaran a bisa na comienso di su dupliek awe mainta den Corte. Segun Sulvaran, ta despues di e publicacion di internet, Italia a link Schotte cu Franscesco Corallo y a comparti documentonan necesario. Su defensa tabata basa riba un borchi di tres meter largo di carton. 

RASISMO

E abogado a mustra riba racismo cerca e corant Knipsel krant Curacao. A mustra riba e mundo baho di Corsou unda cu cobardenan anonimo ta opera di un forma asina y cu no ta wordo atendi pa ministerio publico. Segun e abogado, Corallo nunca tabatin influencia riba e partido MFK (di Schotte), cu ta algo cu a keda confirma pa miembronan di directiva di e partido. E no tabatin interes pa participa den dje, segun cartanan divulga pa e abogado.

REDUCCION DI CASTIGO

A mustra tambe cu si yega mes na un castigo pa su clientenan, cu e ta exigi un reduccion pisa di esaki, pasobra no a yuda Corallo y no a eherce e poder aki tampoco. Den caso di vd Dijs, mester tene cuenta cu e ta mama di un baby di 2 aña bieu. Si duna un castigo mes, ta pidi pa e ta un ‘taakstraf’, en bes di un castigo di prison. Riba e caso di e pasaporte, colega abogado Paula Jansen a mustra cu no por papia di un pasaporte perdi, pasobra no por a determina cu e pasaporte tabata perdi. Te aki e parti di e dupliek di defensa. 

Raportahe Caribisch Netwerk Foto: Dick Drayer