Gerencia y trahadonan di Elmar ta topa otro den Corte awe merdia

ORANJESTAD – Gerencia y trahadonan di e compania di utilidad Elmar ta topa otro awe den Corte pa determina entre otro e legalidad di e accion y e consecuencianan cu esaki por tin pa e trahadonan. E caso ta programa pa tuma lugar 2’or y e intencion ta pa e trahadonan mobilisa pa e edificio di corte durante tratamento di e caso. E prome ‘parti’ a wordo trata diamars anochi caba unda cu a dicta un ‘orde maatregel’ mandando e trahadonan reanuda trabou despues cu nan a paralisa esaki henter un dia. Despues di e caso aki por determina e siguiente paso. E motibo di e accion tabata decisionnan tuma pa gerencia riba e aspecto di seguridad y e control cu ta surgi na porta y cu e trahadonan via nan sindicato a mustra di no ta di acuerdo cu ne.