Aruba añadi awe riba lista di paisnan cu tin virus Zika

ORANJESTAD – Manera por a anticipa, e agencia federal Mericano cu ta atende cu control di malesa, CDC (Centers for Disease Control) a añadi e nomber di Aruba (y Bonaire) riba e lista di paisnan cu tin e virus di Zika. Mas prome e siman aki Aruba a raporta su prome 4 casonan local y 7 caso importa. For di momento cu Aruba a conoce su prome casonan, epidimiologo Maribel Tromp a admiti cu Aruba su nomber tambe lo bay riba e lista internacional di paisnan ‘afecta’. Y oficialmente esey a sosode awe.

CUANTO PAIS TIN E VIRUS

Segun CDC, fuera di Aruba y Bonaire cu a wordo añadi awe, tin 28 pais mas cu tin e virus di cual mayoria ta den Caribe y Latino America. E recomendacion di CDC ta pa muhernan na estado pospone biahe pa e partinan aki (incluyendo Aruba) pa motibo di un supuesto coneccion entre e virus y defecto den nacemento. Algo cu na Aruba ainda ta mustra cu no ta comproba cientificamente. Ademas CDC ta recomenda pa muhernan cu tin pensa di sali na estado, pa papia cu nan docter prome cu nan biaha pa e areanan afecta. Aki por mira e lista di paisnan, y e fecha riba cual Aruba a wordo añadi, esta 18 di februari.