Caso di atraco Excelsior Casino den Corte diabierna

ORANJESTAD – Diabierna awor Corte lo trata e caso di atraco na Excelsior Casino. Ta trata di 5 persona cu lo bin dilanti cu ta wordo sospecha di ta involucra den e atraco cu a hala hopi atencion. Esnan sospecha ta V.A., G.C., H.I., A., C. y G. cu ta wordo acusa di, conhuntamente cu un otro of otronan, ladronicia cu violencia di un suma di placa y/of celular nan y/of joyas y/of holoshinan y/of potmoninan y/of yabinan di un casino y/of ocho persona riba 26 di october 2015.

E VIOLENCIA

E violencia tabata dirigi contra e personanan aki y a encera cu a pone arma di candela riba nan y/of a mara nan y/of a dal cuatro di nan cu e arma di candela na nan cabes y/of a dal un di nan wanta den su cara y/of a schop un di nan den su lomba y/of a hinca dos dede den wowo di un di nan y/of a bisa nan cu si polis yega e casino prome cu nan haya placa, nan lo mata tur hende y/of a bisa nan cu lo zaag nan pianan afor.