Tres aña prizon pidi pa Gerrit Schotte den caso Babel

WILLEMSTAD – Fiscal Rip a pidi 3 aña di prizon pa ex prome minister Gerrit Schotte, y 5 aña no eligibel politicamente. Hues Lips a cuminsa cu caso Babel awe den Corte. Presente tabat'ey Sr. Gerrit Schotte y tambe Sra. Cicely van der Dijs. Abogadonan presente tabata abogado Chester Peterson y tambe abogado Eldon Peppie Sulvaran. Fiscalnan pa Ministerio Publico presente tabata Fiscal Van Logten y tambe Fiscal Rip. Fiscal van Logten a inicia dor di bisa Corte cu Ministerio Publico tin 5 acusacion contra di e sospechosonan. Aworaki Fiscal van Logten ta trece tur 5 acusacion dilanti.

VALSHEID IN GESCHRIFTE

Hues Lips a indica cu awor e ta bai atende e topico di "Valsheid in Geschrifte", pa locual ta e parti di documento legal, paspoort diplomatico y tambe keho entrega di paspoort cu a perde. Na Landsrecherche Sr. Schotte a declara cu e no tabata sa cu e pasport tabata warda den kluis na Vanddis. Sr. Schotte a declara na Landsrecherche cu e no sa con bini e paspoort ta den kluis, paso e ta corda ultimo di dje na Forti. Sra. Cicely a declara cu e ta esun cu a warda e paspoort probablemente na kluis na Vanddis. Pero sinembargo, Vanddis su kluis ta solamente accesibel pa Sra. van der Dijs.

KLUIS

Tambe Huez Lips kier puntra dicon tin sierto cosnan di MFK den kluis na Vanddis. Sr. Schotte ta haci uzo di su derecho di keda ketu. Huez ta indica cu un paspoort no tin pia, pues con e paspoort so a cana di Forti y bai resulta den kluis na Vanddis. Di acuerdo cu huez un hende mester a coge y bay cu ne den e kluis. Huez Lips ta indica cu Sr.Schotte a uza e paspoort aki pa bai entiero di Sr. Chavez cu ne. Huez ta puntra con esaki a tuma luga.

SULVARAN

Abogado Eldon Peppie Sulvaran a bula lanta den Corte aworaki y indica cu e kier un schorsing di 10 minuut pa atende cu su cliente. E no ta haña adecua ku Hues ta papia di paspoort ku a haña  "pootjes". Huez a dicidi di bay di acuerdo cu un schorsing di 10 minuut. Fiscal Rip ta indica ku awor e ta bay papia tocante di e caso aki den su totalidad. E caso aki ta un caso cu tin di haber cu integridad di un funcionario publico, parlamentario y tambe Prome Minister di Corsou. Un persona cu a keda scogi pa pueblo di Corsou mester ta integro. Di acuerdo cu OM, Sr. Schotte a laga Corallo cumpr'e y a bende su integridad cu Corallo.

OM

OM ta husga cu Sr. Schotte no a cumpli cu locual pueblo ta spera di dje. Sr.Corallo ta un homber importante den mundo di casino na Italia y tambe ta forma parti di "mafia" na Italia. Francesco Corallo a purba drenta politica na Corsou via di Gerrit Schotte na momentu cu e la bira marionet di Corallo tumando placa pa financia su partido. Un ehempel cu OM ta duna con ela bira marioneta, cu Corallo a pidi pa bira Presidente di Hunta di Comisario di Banco Central, pero sin tin scol ni tampoko papelnan necesario pa por yega na e funcion aki. Esaki ta fabornan ku Schotte mester a paga "bek".

ROL DI VD DIJS

E rol di Cicely van der Dijs den e kaso Babel ta cu e partner di Gerrit Schotte. Sra. van der Dijs tabata esun cu a yuda den trahameto di facturanan falso y tambe a facilita su cuenta bancario pa deposito di cen tuma lugar. Di acuerdo cu OM, tur 2 ta gana un bon salario pues no tabata tin motibo pa tuma niun cen pa fabornan cerca Corallo.

FISCAL RIP

Segun Fiscal Rip e caso aki ta un caso cu tin di haber cu integridad di un funcionario publico, parlamentario y tambe Prome Minister di Corsou. Un persona cu a keda scogi pa pueblo di Corsou mester ta integro. Di acuerdo cu OM, Sr. Schotte a laga Corallo cumpr'e y a bende su integridad cu Corallo. OM ta husga cu Sr. Schotte no a cumpli cu locual pueblo ta spera di dje. Sr.Corallo ta un homber importante den mundo di casino na Italia y tambe ta forma parti di "mafia" na Italia. Francesco Corallo a purba drenta politica na Corsou via di Gerrit Schotte na momento cu e la bira marioneta di Corallo tumando placa pa financia su partido. Un ehempel cu OM ta duna con e la bira marioneta ta, cu Corallo a pidi pa bira Presidente di Hunta di Comisario di Banco Central, pero sin tin scol ni tampoco papelnan necesario pa por yega na e funcion aki. Esaki ta fabornan cu Schotte mester a paga "bek".

ROL DI VD DIJS

E rol di Cicely van der Dijs den e caso Babel ta cu e partner di Gerrit Schotte. Sra. van der Dijs tabata esun cu a yuda den trahameto di factura nan falso y tambe a facilita su cuenta bancario pa deposito di cen tuma luga. Di acuerdo cu OM, tur 2 ta gana un bon salario pues no tabata tin motibo pa tuma niun cen pa fabornan cerca Corallo.

CASTIGO PIDI PA SOSPECHOSONAN

Ministerio Publico a pensa pa pidi un castigo di prizon pa Gerrit Schotte relaciona cu e acusacionnan den Caso Babel. Hunto cu e castigo di prizon aki, Ministerio Publico lo pidi Corte pa kita tambe e derecho pa por vota riba Sr. Gerrit Francisco Schotte. Esaki ta nifika cu pa un temporada lo NO por vota riba Sr. Schotte riba ningun lista di partido politico. Fiscal di Ministerio Publico pues awor a pidi un castigo di prizon pa Gerrit Schotte di 3 aña, nada condicional. Tambe ta pidi Corte pa kita e derecho pasivo di por vota riba Sr. Gerrit Schotte pa 5 aña. Esaki ta encera cu lo no por vota den proximo eleccion riba su persona. Fiscal ta pidi un castigo di 18 luna di prizon, 9 luna condicional pa Sra. Cicely van der Dijs.

DEFENSA SCHOTTE

Segun abogado Eldon "Peppie" Sulvaran den Corte den caso Babel y Bientu OM dirigi dor di Piar y awe Schram a pone 84 investigado Hulandes for di Hulanda gastando miyones y miyones pa destrui e personanan respectivo persigui den e casonan aki. “Esaki ta demostra Hulanda su prioridad pa cu Corsou definitivamente no ta pa combati pobresa of problemanan social y/of di kriminalidad den nos pais. Nan ta completamente enfoca pa atende cu casonan politico pa reorganisa Corsou y habri caminda pa partidonan di nan escogo keda nan so den e arena politico local!” Ademas abogado Eldon "Peppie" Sulvaran y Abogado sra. Paula Janssen a mustra cu despues di años di investigacion y miyones di florin di placa di pueblo gasta pa persigui Gerrit Schotte y Cicely van der Dijs awe merdia. Segun Sulvaran, a bari tur ponencia for di mesa na final di su pleidooi. Lesa e prome parti di e pleidooi pa tanto Schotte como vd Dijs aki. Y di e dos parti aki. 

Fotos cortesia: Dick Drayer.