Huez a ordena sindicatonan manda trahadonan di Elmar bek trabou

ORANJESTAD – Huez den Corte diaranson a ordena e sindicato di trahadonan di Elmar (UEA) y Alvast pa yama tur nan miembronan y reanuda trabou di inmediato. Esaki despues cu e trahadonan a dicidi di bay den accion pa practicamente henter dia diaranson. Motibo di e accion tabata un malcontento cu decision di gerente riba adkisicion y regla nobo pa cu seguridad di e personal. Gerencia a entama un caso sumario pa forsa e trahadonan, y huez a dicta un ‘medida di orden temporal’ pendiente e caso mes cu ta tuma lugar diabierna awor 2 or di merdia.

MULTA IMPONE

Pa sigura cu e sindicatonan duna oido na e ordo, a impone un multa di 25 mil florin pa dia of parti di un dia cu e trahadonan no cumpli cu e sentencia, te na un maximo di 1 miyon florin. Huez ta trata e caso diabierna 2’or den su totalidad y lo tuma un decision tambe riba e welga cu a tuma lugar diaranson. Mira e sentencia aki den tres pida. Pida A, pida B, y pida C.